9.7 C
London
Thursday, October 6, 2022

BNO Visa 申請注意事項

- Advertisement -
- Advertisement -

大家申請BNO Visa 時遇到唔少問題, 而英國方面最近都更新左幾次個申請流程, 令到大家的資訊有點身混亂. 以下會整理申請BNO Visa的資料同埋常見問題, 希望大家申請時會順利一點


最後更新日期: 18-Aug-2021

第一件事要做的係肺結核測試 Tuberculosis(TB) Test

第一件事要做的係肺結核測試 Tuberculosis(TB) Test

第一件事要做的係肺結核測試 Tuberculosis(TB) Test

重要的事情係要講3次! 太多人未做測試而又開始申請! 現在正常排期做測試經已排到一個半月後, 大家記住做左測試先好申請同俾錢呀! 無謂申請完但趕唔切交測試證明, 浪費英國政府資源.

申請BNO Visa前大家要準確好以下的文件:

  • 證件相: TB Test Report 需要
  • 護照: 最好持有有效的BNO (原因) . 如果打算用”UK Immigration: ID Check” APP做生物認證, 用特區護照申請的話, 請確保特區護照的發出日期為2019年8月後. 因為之前發出的舊版護照唔保證會成功. 申請 BNO Visa同你出境的護照並不需要一樣, 大家可以用BNO申請BNO Visa, 用特區護照出境
  • 肺結核測試證明 Tuberculosis(TB) Test Certificate: 需要在指定機構檢驗. 最近預約爆滿, 現在一般排期需要一至兩個月. 一般測試後如無問題, 約兩個工作天至一星期可取Report.
  • 宜家英國政府認可的TB Test機構有: Hong Kong Adventist Hospital (香港港安醫院), Hong Kong Sanatorium Hospital (養和醫院), Matilda International Hospital (明德國際醫院), UMP Medical Centre (聯合醫務) 同 Quality HealthCare Medical Centre (卓健醫療中心)
  • Matilda International Hospital (明德國際醫院), UMP Medical Centre (聯合醫務) 同 Quality HealthCare Medical Centre (卓健醫療中心)收費為成人 HKD 1000, 小童HKD 500
  • Hong Kong Sanatorium Hospital (養和醫院)收費為成人 HKD 1500, 小童HKD1000
  • 子女申請授權信 (參考) (如適用)
  • 子女出生紙 (如適用)
  • 英文的財務證明: 如果銀行信係中文, 盡快轉做英文
  • 地址證明: 可以用銀行信, 或者要求稅局更改稅單做英文, 佢會寄過封英文的稅單俾你
  • 信用卡: 要有足夠的信用額 (大約費用:成年單人IHS 港幣35109.71元, 申請費港幣2813元)
  • 過去十年的外遊記錄: 需要填寫入境及出境的年月日, 地點, 目的地
  • 經”UK Immigration: ID Check” APP 申請時需要自拍, 而自拍的照片會在網頁的prove your immigration status, prove your right to work同埋prove your right to rent 的status page出面, 記住執返整齊個樣同衣著先用”UK Immigration: ID Check” APP 自拍

申請BNO Visa前注意事項

  • 無論用”UK Immigration: ID Check” APP 或者到Visa Centre 做生物認證, 都係經網頁申請的, 唔需要用電話broswer填, 可以用返電腦填寫
  • 用”UK Immigration: ID Check” APP 同到Visa Centre 做生物認證係會兩個完全不一樣的網頁申請, 填的Beta版本, 所以不定時會更新, 所以你填的時間有機會同之前其他人填的不同.
  • 家庭申請的話, 需要每名成員各自填一份申請. 主申請人先申請, 其他成員申請時需要填寫主申請人Global Web Form (GWF) or a Unique Application Number (UAN)
  • 以家庭為單位申請時, 各家庭成員可以各自選擇用”UK Immigration: ID Check” APP 或者到Visa Centre 做生物認證
  • 家庭為單位申請時, 全部成員必需兩天內提交申請
  • 一開始申請時問你有冇電話可以SCAN 到PASSPORT係決定申請用APP 定到Visa Centre做生物認證. 如果想轉生物認證方式係需要成個申請Cancel, 請仔細諗清楚
  • “UK Immigration: ID Check” APP 只支援 iPhone 7 或更新的型號, Android 電話好似大部分有NFC的型號都無問題
  • 用 “UK Immigration: ID Check” APP 做生物認證時, 如果Scan Passport 連續失敗三次, 申請會被封鎖一天, 需要第二天才能再次做認證. 如果遇到認証失敗, 請嘗試用另一電話認證
  • 香港Visa Centre (VFS Global) 星期一至星期六都可以預約, 暫時平日大把時段選擇, 星期六的時段會比較緊張
  • 英國Visa Centre 免費時段有限, 需要每天同人搶. 收費時段的價錢差距很大, 需要自己好好考慮
  • 經 Visa Centre 做生物認證係會影相同打指模, 並且會收取護照直至完成整個Visa 審批
  • 經 “UK Immigration: ID Check” APP 做生物認證係需要SCAN Passport, 掃瞄面部並拍照
  • 經 Visa Centre 做生物認證將會有Biometric Residence Permit (BRP)
  • 經 Visa Centre 做生物認證, 護照上會有貼上Vignette
  • 經 “UK Immigration: ID Check” APP 做生物認證係唔會有Biometric Residence Permit (BRP), 只可以經網頁查詢immigration status
  • 經 “UK Immigration: ID Check” APP 做生物認證, 護照上唔會有貼上Vignette
  • 在香港經 Visa Centre 做生物認證, 申請時需要選定BRP領取的郵局, 請仔細研究領取的地區. 如果有人sponsor你, 可以選擇寄到sponsor地址
  • 在英國經 Visa Centre 做生物認證, 申請時需要選定BRP郵局領取, 或寄到住址
  • 如果在香港申請並到Visa Centre 做生物認證, BRP 需要在到達英國後30天內到郵局領取 (暫時因為疫情關係, 可在90天內到郵局領取)
  • 如果經 Visa Centre 做生物認, 會問你有冇National Insurance (NI) Number, 揀無的話會幫你申請埋, 理論上會印埋係張 BRP 上面. 不過實際情況係英國國內申請的人, 有部分有印部分無印傳聞係睇你去的英國國內的Visa Centre有冇準備好NI Number System, 而國外申請的都會有印. (Updated: BRP係唔會有NI Number!!!而申請網頁亦已更新不再提NI Number)
  • NHS同BNO Visa係有效期係由Visa批開始計, 而唔係入境英國先開始計
  • 無論用”UK Immigration: ID Check” APP 或者到Visa Centre 做生物認證, Visa 同NHS生效日期同樣係批的日子開始計5年或30個月有效.
  • 在香港經Visa Centre 做生物認證, Vignette上面的有效期係由批個刻計90日, 所以係需要係Vignette上面的有效期內到達英國. 如果過期的話需要額外付費申請續Vignette
  • 在香港經”UK Immigration: ID Check” APP做生物認證雖然無Vignette的限制, 但因為5年後申請indefinite leave to remain (ILR) 需要過去5年內任何連續的365日內不可離開英國超過180日, 所以如果你係VISA開始後遲過180日到英國, 你係BNO Visa 到期時你係唔夠資格申請IRL, 到時需要同時續NHS同BNO Visa. 而NHS同BNO Visa最低消費係30個月, 成年人30個月NHS費用為£1,560 18歲以下20個月NHS費用為£1,175, BNO Visa 申請費用為 £180.
  • 在香港經”UK Immigration: ID Check” APP做生物認證雖然無出日期限制, 但都應該好好考慮清楚幾時出發後才申請.
  • 再提多次大家, 無論經”UK Immigration: ID Check” APP 還是經Visa Centre 做生物認證, NHS同BNO Visa係有效期都係由批個日子開始計
  • 如果申請有問題, 可以俾£2.74 向UK Visas and Immigration Email 查問 (連結), 或者打廣東話熱線+44 (0)300 790 6268, 每一分鐘£0.69 (星期一至五, 英國時間零晨1點至朝早點)
  • 如果你本身經已係拎住T2 Working Visa, 你持用T2 Working Visa 係英國的時間係可以照計入去ILR嗰5年. 即係話你本身經已持有T2 Visa係英國30個月, 你可以申請30個月的BNO Visa, 30個月後就可以申請ILR. BNO Visa無工作的限制, 由T2 Visa轉BNO Visa後唔再需要擔心轉工等限制
  • T4 Student Visa係英國的時間係唔計入去ILR 的5年要求, 所以如果你係去英國讀書, 你最好直接申請BNO Visa. 咁你讀書的時間照可以計入ILR 的5年要求, 而且畢業後不需要在限時內搵到工由T4 Student Visa轉T2 Working Visa

“UK Immigration: ID Check” 下戴 LINK

iOS

Android

申請BNO Visa過程中注意事項

  • 在英國國外地區申請連結: Apply from outside the UK
  • 在英國國內申請:Apply in the UK
  • 如一開始問題”If your passport has a biometric chip, it will have this symbol”選擇Yes後, Check you can use the app選擇 Continue將會用”UK Immigration: ID Check” APP做生物認證. 如果揀”I do not have a phone that can use the app”女
  • Country of nationality: BNO持有人請填British National (Overseas)
  • Country of birth: 香港出生人士請填 Hong Kong Special Administrative Region of China
  • Place of birth: 香港出生人士請填 Hong Kong
  • Do you have a valid national identity card? 如果係普通BNO或特區護照持有人請填No
  • Do you currently hold, or have you ever held, any Yes other nationality or citizenship? 請填Yes
    • Country of other nationality: 如果係香港人請填Hong Kong Special Administrative Region of China
    • Do you have a valid passport? 如持有有交特區護照, 請填上特區護照資料
    • Do you have a valid national identity card? 如果係香港人請填Yes
    • National identity card number:填香港身份證號碼
    • Issuing authority: 香港身份證請填Hong Kong
  • Are you intending to live in one of the Crown No Dependencies (Jersey, Guernsey and the Isle of Man) of the United Kingdom? 如果唔係去Jersey, Guernsey and the Isle of Man, 請填No
  • Is anyone applying with you? 家庭為單位申請請填Yes, 個人申請請填No
  • Do you know where you will be staying in the UK? 因應情況選擇, 如果選Yes需要提供英國地址, 如果選No需要選擇住宿計劃
  • Do you have a tuberculosis test certificate? 請選擇 Yes, 之後upload返TB Test Cert.

申請BNO Visa後注意事項

  • 係香港申請揀到Visa Centre做生物認證,一定要下載份checklist並且打印出黎, Click Provide documents and biometrics就可以連去香港VFS Global預約
  • 預約VFS Global後, 需要經VFS Global上載checklist上所列文件. 上載完成後會收到一封新Email, Email附件會列出預約時間及已上載的文件. 一定要打印出來並在預約時間帶到Visa Centre
  • 香港VFS Global有北角同側魚涌兩個地方
  • 香港VFS Global時段由朝早7點半開始
  • 香港VFS Global會遊說你加錢購買額外的服務. 部分服務係幾方便大家, 如果有需要的話都值得買.
  • 大家可以選擇BNO Visa 批發後親身到VFS Global領取Passport 或是加錢經速遞送到府上. 如果親身領取的話, 領取時間只限早上8時至早上9時這時段.
  • Evidence of your accommodation costs 可以預訂免費取消的酒店或Airbnb, 把預約證明上載後取消預訂.

- Advertisement -

Latest news

- Advertisement -

Related news

- Advertisement -